Um þýðinguna
Samtliche Gedichte eftir Else Lasker-Schüler í þýðingu Hannesar.
Úr Mánaturninum
Einskær demantur
Mig dreymdi til enda
í andliti þínu stjörnuhimin minn.
Ég gaf þér öll
gælunöfnin mín fjölskrúðugu,
og hönd mína lagði ég
undir skóhæl þinn,
líkt og með því greiddi ég
götu mína til annars lífs.
Stöðugt grætur nú
af himnum þín móðir,
fyrst ég skar út mynd af mér
í hold hjarta þíns
og ást svo heitri
þú hratzt með duttlungum frá.
Dimmt er nú –
einungis flöktir
ljósið sálar minnar.
(s. 23)