Um bókina
Leyndarmál annarra er fyrsta bók höfundar sem hefur hingað til skrifað flest annað en skáldskap. Leyndarmál annarra er jafnframt fyrsta verðlaunabók höfundar. Ljóðin eru samin fyrir þá sem langar að hnýsast í leyndarmál annarra, gægjast á bak við gluggatjöld nágrannans, hlera það sem fram fer í skriftastólnum og þiggja um leið gagnleg lífsstílsráð konu sem kann að bregðast við óvæntum uppákomum hvunndagslífsins.
Úr bókinni
Örleikrit I
Tvær hraustlegar miðaldra konur af Vestfjörðum koma inn á krá við Ingólfsstræti skömmu eftir miðnætti. Þær arka ákveðnar að barnum þar sem standa tveir spjátrunglegir menn á aldrinum 45-60 ára.
Spjátrungur A: Rosalega eruð þið sætar, stelpur.
Spjátrungur B: Já, rosalega eruð þið huggulegar.
Vestfirsk kona: Fyrirgefið, en á hvaða lyfjum eruð þið eiginlega?