Úr bókinni:
Illugi
Þar stendur hann
horfir þögull
höndum tekinn
heitur af mæði
skyggnist um
angist í svip
leggur að vitum
lykt af blóði
Styrkur bróðir
stirðnað lík
Augun flökta
full af beyg
horfið af vörum
hrákalt bros
svo heggur Öngull
hönd af saxi
hvítir fingur
haldi sleppa
Hverfist skap
hatur í augum
hrákalt bros
harðnar á vörum
svo gengur hann út
undir höggið
Nóttin líður
lýsir af degi
Líf
Lífið:
sund gegn straumi
Þú knýrð líkama þinn
gegnum streymandi daga
sem breyta hverri andrá
í fortíð
á hraðri leið til óss
Blindur vilji handanna
leiðir þig
gegnum andartök fljótsins
til uppsprettunnar
dauðans