Úr Vatns götur og blóðs:
Velferð
Förinni heitið
til fundar við spámanninn!
Landsfrægur morgunn.
Þú læsir dyrunum, kveður.
Sérðu! Gjafarinn
auðveldra leiða og lausna
hefur leyst þig undan ferðinni
og komið fyrir krók
í dyrastafnum.
Þú manst ekki ætíð
að sá sem mjúklegast gumar af frelsi
leggur harðast að öðrum
að hengja sig.
Ekki þar með sagt að þú
jafn staðfastur maður, gangir í gildruna,
enda kænn og séður ... Krókinn
brúkarðu framvegis
sem hugsanahengi.