Af bókakápu:
Í Vísnafýsn yrkir Þórarinn Eldjárn laust og fast um smátt og stórt - stökur og smáljóð um ýmsar hliðar tilverunnar, ekki síst þær óvæntu. Hér má finna speki og sprok um sérviskur og samviskur, mannlýsingar og upplýsingar.
Úr Vísnafýsn:
Úr mörgu er hægt að moða
mikil eru býsnin.
Leirhnoðs leiðarhnoða
er ljóðafýsnin.
Kreppa
Senn mun kreppan sækja á
sitt með greppitrýni.
Enginn sleppur undan þá
öll við hreppum sýni.
Senn mun kreppan sækja á
sitt með greppitrýni.
Ýmsir sleppa undan þá
aðrir hreppa sýni.