Agneta Pleijel: Ögon ur en dröm. Í íslenskri þýðingu Þóru Jónsdóttur.
Úr Augum í draumi:
Sendibréf
Síðan fer hún aftur í neðanjarðarhreyfinguna
Blöðin, flugritin, flækingurinn
Eins og í stríðinu. Og eftir stríðið
Og aftur nú í þessu stríði
Eftirlýsingu er dreift, andlitsfallið
blýfast í kornum myndarinnar. Einn daginn
er henni boðið í far með herbíl
óvart segir hún sitt rétta heimilisfang
Og er ekið hæversklega að dyrunum
Heimkomin opnar hún ísskápinn sinn
Þar flögra tvær óttaslegnar bréfdúfur
Hún kyssir augu þeirra og nef
Og sendir út í heiminn:
Ég lifi! Við lifum ennþá
(40)